July 12, 2012

Mga Kodigo_07122012

Ika 5 ng Hulyo, 2012, unang pagpupulong ng bagong taon, suot ang berdeng barong, madaming panauhin, may apat na taga Pinaglabanan Elementary School, may ‘guest speaker’ - si Abby Carreon ng Jollibee Foundation, sinundan ng pirmahan ng kontrata para sa Busog, Lusog, Talino Feeding Program, at may bago pang ‘inindak’ na ‘member’ – si Ruel Sumaguising, Punong Barangay ng Corazon De Jesus, ano pa ang hihingiin mo? Napakagandang panimula sa RY 2012-13.

Ika 10 ng Hulyo, 2012, alas 8 ng umaga, nasa Multi-Purpose Hall ng San Juan City Hall, kasama ko sina Pangulong Jojo, DP Nan, DP Gina, DP Pol, mga panauhin kami ni Mayor Guia Gomez upang lagdaan ang kasunduan sa isa pang proyekto, ang “Adopt-A-Bed Program.” Humahataw sa mga ‘projects,’ parang nagmamadali - nais tapusin ni Pres. Jojo lahat ng plano bago mag Governor’s Visit sa Oktubre. Marahil, sa susunod na buwan ng Nobyembre, yung BLT Program nalang ang sisiguraduhing tapos at walang sabit hanggang sa buwan ng Marso 2013.

Ang balita ay sa Cebu daw gaganapin ang President Elect Training Seminar (PETS) 2013, sabay ng 10 Distrito ng Rotary sa buong Pilipinas. Ngayon ko palang narinig ang ganitong plano para sa PETS, kakaiba talaga ngunit para ko nang nagugunitang masaya ito. Ewan ko lang kung ano ang palagay ni PE Therese Montecer. Sana hind maging hadlang ang kanyang trabaho sa mga takdang-araw ng PETS.

Mabuhay Tayong Lahat!

Sec./ DP Jovie